ACTIVIDADE CONXUNTA. Pirámide e baile.

Os alumnos participantes no proxecto de "Somos o que comemos" levamos a cabo varias actividades grupais para dar por rematado o curso 2017-2018.

A primeira de elas foi a elaboración dunha pirámide alimenticia "humana", sendo os propios nenos e nenas os "compoñentes" de dita pirámide.

• Os alumnos das tres aulas de primeiro formaron a parte da pirámide correspondente aos Hidratos de Carbono.
• Dúas aulas de segundo formaron a parte da pirámide correspondente as verduras e as froitas.
• A terceira das aulas de segundo fixéronse cargo das proteínas.
• Os alumnos dunha das clases de catro anos de infantil encargáronse dos lácteos.
• E finalmente os alumnos da outra aula de catro anos de infantil fixeron a parte correspondente aos doces e grasas.

Este foi o resultado final da nosa pirámide "humana".

QUEDOU XENIAL!

Para traballar as recetas de cociña fixémolo co libro de Mamá Cabra chamado "Eu cociño, Ti cociñas".

 O libro trae un CD de cancións coas que se fomenta a alimentación saudable, por iso outra das tarefas foi facer un baile grupal cunha das cancións de dito CD.

E para rematar o proxecto os alumnos e alumnas cantaron e bailaron a canción de 

"ARROZ CON CHÍCHAROS".